Tarih halqnıñ zengiligidir

 ‘Tarihiy mekanlarnıñ ziyareti’ leyha çerçivesinde Qırım şeerleri ve köyçikleri ogrenile. Bu sefer leyha iştirakçileri Qırım hanlığınıñ paytahtına, efsaneviy Bağçasarayğa yol aldılar. Eñ evelâ, Salaçıq ziyaret etildi. Bu yerde belli tarihçiler Oleksa Gayvoronskiy ve Nariman Abdulvaap seyahatçılar içün Hacı Giray hannıñ dürbesi, orta asır devrinden qalğan hammam ve Şarqıy Avropada eñ qadimiy aliy oquv yurtlarından biri Zıncırlı medrese aqqında ikâye ettiler. Ondan da ğayrı, La Richesse muzeyindeki tarihiy eksponatlar ogrenildi. Bunlar arasında XVI-XX a. Qırım haritaları, hanlar ve devlet erbaplarınıñ portretleri, qadimiy kitaplarnıñ unikal ve asıl toplamlarıdır.

‘Yaş ekspeditsiya’  Han sarayını da ziyaret etti. Ava sıcaq olmağanına baqmadan, seyaatçılar Bağçasaray ziyaretinden pek hoşnut qaldılar. Qırımnıñ birer-birer şeeriniñ tarihını ogrenip, halqımız ne qadar zengin olğanını añlaymız.

BIZIM QIRIM HCT