“Qırımda yaşamaq – qırımca laf etmek” künümizniñ tabiiy alı olıp qalmaqta. Qırım memleketiniñ tili – qırımcadır. Qırımda yaşağan er bir insan qırımca bol laf etmeli. Bu til künümizniñ eñ kerekli ve ogrenmege çoq imkânı olmağanı içün “Qırım tili kursları” meydanğa keldi. Qırımcanı eñ keyfiyetli ve modern surette ogrenip te bol-bol qullanmağa istegenler içün qurulğandır. Bu kurslar bu maalgece tilimizni ögrenüvde qullanılmağan tamamı ile yañı usulğa esaslanmaqtadır. Derslerimizniñ baş maqsadı – qırımca laf etmege, öz fikir ve duyğularını ifade ete bilmekni ögretmektir. Bunıñnen bir sırada bu kurslar latin elifbesinde doğru yazmaq ve oqumaq, cümlelerni doğru tizmek ve sözlerni doğru telâffuz etmekni de ögretecektir. Onıñ içün dersler esnasında grammatikanen beraber dialoglar, çeşit-türlü ayatiy allarnı muzakere etüv usullarına da pek çoq emiyet berilgendır. Kurslar içün ayrı dersliklernen beraber çalışma defterleri azırlandı. Her bir ders soñunda mevzunen bağli luğat ve sözlerni qullanuv misalleri de ketirilgendir. Yardımcı menbaa olaraq audio kassetalar ve CD'lerniñ qullanılması da qararlaştırılğandır. Til ögrenicileriniñ laf etme tecribelerini arttırmaq maqsadı ile meraqlı ve canlı dialog mevzularını seçmege areket ettik ve qolaydan qıyınğa doğru sıraladıq. Tilimizniñ özgünlik ve baylığı daa da teren añlaşılması içün aman-aman er bir dersniñ soñunda atalar sözü ve aytımlardan bir qaç misal ketirilip, lâtife ya da qısqa bir metin yardımı ile ne şekilde qullanılğanı anlatılğandır.
Adres: Aqmescit ş., Puşkin soq., 30 ev, 22 ofis.
tel: +38 093 379 68 20
qtk@bizimqirim.org
