“Bizim Qırım” Halqara Cemaat teşkilâtı (BQ) öz faaliyetinde qırım milliy meraqlarına esaslanıp:- BQ halqımıznı ve hususan yaşlarımıznı Qırımcılıqqa celp etme ve meraqlandırma işinen oğraşa;
- Diasporamıznen bağ qurıp Qırım meselesini halqara seviyede de çezmege adımlar yapmağa başladıq;
- Qırım boyunca tögerek masalar keçirip milliy perspektivamıznı teşviqat etmektemiz;
- Ana tilimizni ve qırım-lâtin elifbemizni halqımız ve hususan yaşlarımız arasında teşviqat etme maqsadınen “Qırım” gazetasında “Bizim Qırım” saifesi çıqmaqta;
- Qırım ehalesi ve hususan yaşlarımız öz tarihını bilmesi ve öz keçmişinen ğururlanması içün “Qırım tariğı” adlı kitap azırlendi ve yaqın zamanda çıqacaqtır;
- Milletimiz öz devletçiligini yañıdan tiklenilmesi oğrunda qırım ehalisi ve yaşlarımız arasında teşviqat etile;
- “Ana tili oğrunda kureş” şıarı ile belli tedbirler otkerile. Yaqın zamanda zemaneviy “Qırım tili” kursları açılması közde tutıla;
- Qırım Yaşlar ve Milliy Qurultaylarımızda faal surette iştiraq etip bizim fikir ve ğayelerimizni ömürge keçiremiz;
Ogümizde qoyılğan maqsatlarımızğa irişmek içün yaşlarımızda bizge qol tutacaqlarında eminmiz.
