Tarih– bu er bir milletniñ, er bir devletniñ keçmişidir. Kelecegimizni qurumaq içün keçmişimizni bilmemiz kerek. Amma bu malümatnı doğru ve kerçek qaynaq ve ceryanlardan oqumamız kerek. Qırım tarihı pek uzun ve zengin olmaqnen bir arada bu topraqnı zapt etip onıñ tamır halqnı da yoq etmek içün yazılğan tarihını da müstemleke rejimi vaqtında yoq etmek içün iş alıp barıldı. Milletniñ kelecegini yoq etmek içün onıñ tarihını silmege maqsat etip asırlar devamında yazılı tarihımız mahv etildi. Andan soñ, türlü müstemleke rejimlerine kelişkeni kibi qırım tariğını yazdılar.Milletimiz Vatanına avdet olup, yañı siyasiy vaziyette bulunup öz kelecegini qurmağa başlağandan soñ, tabiy olaraq, talaplarımızı isbatlamaq içün Qırımnıñ kerçek tariği qırımtatarlarğa da başqa milliy azğınlıqlarğa da meraqlı ve aktual oldu. Bu saada kitaplar yazıl. “Bizim Qırım” Halqara Cemaat Teşkilâtı qırım tarihi saasında olğan mütehassılarnıñ keñeşini qurup Qırım Tarihı kitabini çiqarmağa özüne maqsat olaraq qoydı. Bu kitap dört tilde basılacaqtır: qırımtatarca, ukrayınca, rusça ve inglizce.
